البشر أجناس - الفنان سمير صفير

البشر أجناس
الفنان سمير صفير
*****
ها الأرض فيها من البشر أجنـاس
في بشر ناس وفي بشر مش ناس
في ناس دوم جبينها عالي .. وفي ناس لازم بالقدم تنداس
في ناس راسا من العقل خالي ..  بدل الفكر بعقولهم وسواس
في ناس لازم ياكلوا الخاسي .. وفي ناس بين عيونها بتنباس
في ناس عم يمشوا متل آلي ..  شكلا حلو جواتا تنك ونحاس
في ناس خلقوا معدنٌ غالي .. وعندن أصل أغلى من الألماس
في ناس قضوا العمر بطالي ..  كانوا ع خزنة فاضية حراس
في ناس هودي بيشغلو بالي .. عندن جسم لكن ما عندن راس
في ناس فوق الخيل خيالي ..  قلبن بأرض المعركة متراس
في ناس بالأسرار طباله ..  بيحكو حكايا بتحبس الأنفاس
في ناس للأخبار نقالي .. روحن أكيدي مخاويي الأنجاس
في ناس لو سهرو مع الوادي .. عندن وزن بالجوهر بينقاس
في ناس عقلن كَومة زباله .. مالون دوا إلا عصا الكناس
في ناس خلقو ع الدني عاله  .. وفي ناس عبو بالدهب أكياس
هيدي البشر عندن ألف حالة .. عندن وفا و بقلوبهم إحساس
في ناس للأخلاق مياله  ..  في بشر ناس و في بشر مش ناس
*****

تم تجديد الرابط